अयोध्या (उत्तर प्रदेश)

अयोध्या ही जैन परंपरेनुसार पाच तीर्थंकरांची जन्मभूमी असलेले एकमेव नगर आहे - प्रथम तीर्थंकर ऋषभदेव, द्वितीय अजितनाथ, चतुर्थ अभिनंदननाथ, पंचम सुमतिनाथ आणि चौदावे अनंतनाथ. या पाचही तीर्थंकरांनी येथेच जन्म आणि दीक्षा (तप कल्याणक) घेतली, त्यामुळे अयोध्येला विशेष महत्त्व प्राप्त आहे.

प्रमुख मंदिरे: स्वर्गद्वार परिसरातील ऋषभदेव मंदिर, बेगमपुरा येथील अजितनाथ की टोंक, रामकोट मोहल्ल्यातील अभिनंदननाथ मंदिर आणि मोंढियाना राजघाट येथील सुमतिनाथ-अनंतनाथ यांचे संयुक्त स्मारक मंदिर ही येथील प्रमुख जैन मंदिरे आहेत. रायगंज भागातील दिगंबर जैन मंदिरात ऋषभदेवांची ३१ फूट उंच संगमरवरी मूर्ती आहे.