अमितगति आचार्य

आचार्य अमितगती हे परमार राजा मुंज व भोज यांच्या काळात माळवा प्रदेशात कार्यरत असलेले माथुर संघाचे विद्वान आचार्य होते; त्यांच्या अनेक ग्रंथांवर इ.स. ९९४ ते १०१७ दरम्यानच्या तारखा आहेत. परंपरेत याच नावाचे एक पूर्ववर्ती आचार्यही (अमितगती प्रथम) होऊन गेले; 'योगसार प्राभृत' काही विद्वानांच्या मते त्यांचे आहे.

सुभाषिते, कथा, श्रावकाचार आणि अध्यात्म अशा विविध विषयांवर त्यांनी सरस संस्कृत काव्य रचले. सामायिकाच्या वेळी आजही म्हटली जाणारी 'सत्त्वेषु मैत्रीं गुणिषु प्रमोदम्…' ही भावना त्यांच्याच 'भावना-द्वात्रिंशतिके'तील आहे.

प्रमुख ग्रंथ: योगसार प्राभृत, सुभाषितरत्नसंदोह, धर्मपरीक्षा, पंचसंग्रह, अमितगती श्रावकाचार, भावना-द्वात्रिंशतिका.