नांदणी (महाराष्ट्र)

नांदणी (शिरोळ तालुका, कोल्हापूर जिल्हा, महाराष्ट्र) हे बाराशे वर्षांहून अधिक प्राचीन परंपरा असलेले दिगंबर जैन क्षेत्र आहे. येथील जैन मठ सेन गण, पुष्कर गच्छाच्या परंपरेचा भाग असून सध्या भट्टारक जिनसेन स्वामी या पीठावर विराजमान आहेत.

महत्त्व: मठातील पार्श्वनाथ भगवानांची मूर्ती विशेष श्रद्धेचे स्थान आहे; शांती व आध्यात्मिक जागृतीच्या शोधात भाविक येथे दर्शनास येतात. महाराष्ट्र व कर्नाटक या दोन्ही राज्यांतील जैन समाजासाठी हा मठ एक महत्त्वाचे धार्मिक व सांस्कृतिक केंद्र आहे. पर्युषण पर्व, प्रतिक्रमण व इतर धार्मिक कार्यक्रम येथे नियमितपणे साजरे होतात.