कचनेर (महाराष्ट्र)

कचनेर हे छत्रपती संभाजीनगर (औरंगाबाद) शहरापासून सुमारे ३७ किमी अंतरावर वसलेले दिगंबर जैन अतिशय क्षेत्र असून भगवान चिंतामणी पार्श्वनाथ यांच्या अतिशययुक्त मूर्तीसाठी प्रसिद्ध आहे.

अतिशयाची आख्यायिका: सुमारे २५० वर्षांपूर्वी गावातील एक गाय ठराविक जागी जाऊन आपोआप दूध देत असे. एका वृद्ध महिलेने गायीला तिच्या स्वाभाविक प्रवृत्तीनुसार त्या जागी जाऊ दिले असता, तेथे खोदकाम केल्यावर भूगर्भातील तळघरातून भगवान चिंतामणी पार्श्वनाथ यांची अतिशययुक्त मूर्ती प्रकट झाली. या चमत्कारिक शोधामुळे हे स्थान अतिशय क्षेत्र म्हणून प्रसिद्ध झाले.