सुपार्श्वनाथ

सुपार्श्वनाथ हे सातवे तीर्थंकर असून त्यांचे पिता राजा सुप्रतिष्ठ व माता पृथ्वीदेवी होत्या. त्यांच्या ५ कल्याणकांपैकी ४ कल्याणक (गर्भ, जन्म, तप/दीक्षा आणि केवलज्ञान) हे वाराणसी नगरीत झाले व  ५ वे मोक्ष कल्याणक सम्मेद शिखरजी येथे झाले.

नावामागील कथा व महत्त्व
बालपणापासूनच त्यांचे रूप आणि अंगभूत गुण अत्यंत सुंदर, शोभिवंत आणि मंगलकारी होते. गर्भात असताना मातेच्या शरीराची कांती आणि सौंदर्य अधिकच खुलले होते. 'सु' म्हणजे उत्तम आणि 'पार्श्व' म्हणजे रूप/शरीर-स्वरूप; त्यामुळे ज्यांचे स्वरूप आणि गुण अत्यंत श्रेष्ठ व मंगल आहेत, म्हणून त्यांचे नाव सुपार्श्वनाथ ठेवण्यात आले.
वैराग्याची घटना

• भगवान सुपार्श्वनाथ यांनी सुमारे १४ लाख 'पूर्व' काळ राजा म्हणून धर्मपूर्वक राज्य सांभाळले.
• निसर्गाची अनित्यता: एका ऋतूबदलाच्या वेळी झाडाची पाने गळताना आणि सुकलेली फुले गळून पडताना पाहून त्यांना संसाराच्या क्षणभंगुरतेची (अनित्यतेची) तीव्र जाणीव झाली.
• त्यांनी तात्काळ आपल्या पुत्राचा राज्याभिषेक केला आणि 'मनोहर' नावाच्या पालखीत बसून वाराणसीतील 'सहेतुक' वनात जाऊन १,००० साथीदारांसह मुनी दीक्षा घेतली.
• ९ महिन्यांच्या कठोर तपश्चर्येनंतर शिरीष वृक्षाखाली केवलज्ञान प्राप्त झाले.