देवसेनाचार्य
आचार्य देवसेन हे इ.स. दहाव्या शतकातील दिगंबर आचार्य होते. त्यांनी 'दर्शनसार' हा ग्रंथ धारा नगरीत वि.सं. ९९० (इ.स. ९३३) मध्ये पूर्ण केल्याचे ग्रंथातच नमूद आहे. त्या ग्रंथात त्यांनी जैन परंपरेतील विविध संघ व मतभेदांचा इतिहास मांडला आहे.
अध्यात्म (तत्त्वसार, आराधनासार), तत्त्वज्ञान (भावसंग्रह) आणि नयशास्त्र (आलापपद्धती) अशा विविध क्षेत्रांत त्यांचे मौलिक योगदान आहे.
प्रमुख ग्रंथ: दर्शनसार, भावसंग्रह, आराधनासार, तत्त्वसार, आलापपद्धती व लघु-नयचक्र.
रचलेले आगम ग्रंथ
तत्त्वसार
देवसेनाचार्यांनी रचलेला हा ग्रंथ दिगंबर जैन परंपरेतील मोक्षमार्गाचे तत्त्वज्ञान सरळ व सोप्या भाषेत विशद करतो. यात बाह्य क्रियाकांडापेक्षा अंतरंगातील शुद्ध आत्मा, आत्मध्यान आणि कर्मांची निर्जरा कशी करावी, याचे तात्विक विवेचन केले आहे.
आराधनासार
आराधनासार हा देवसेनाचार्यांनी रचलेला दिगंबर जैन परंपरेतील आराधना व सल्लेखनाविषयक महत्त्वपूर्ण ग्रंथ आहे.
आलापपद्धति
'आलाप' म्हणजे कथन किंवा बोलण्याची पद्धत. जैन तत्त्वज्ञानातील गुंतागुंतीचे विषय समजून घेण्यासाठी आणि आगम ग्रंथांमधील वाक्यांचा (सिद्धान्तांचा) अचूक अर्थ लावण्यासाठी हा ग्रंथ मार्गदर्शक मानला जातो.
दर्शनसार
दर्शनसार हा देवसेनाचार्यांनी रचलेला दिगंबर जैन परंपरेतील सम्यग्दर्शनाचे महत्त्व विशद करणारा प्राकृत ग्रंथ आहे.